حِكاية حُب.. ظَلمُــه قلب.. قصيدة لأحمد الغرباوي

حِكاية حُبّ.. ظَلمُــه قلب..

ليه..
حَـزين يا قـلبي..
عَلى حـُبَ حَـقيقي
جِه في غِير
وَقته..

ونسِيت نَفسي و
عِـشته..
ما أصل لا
زَيّه..!
ولا أكتر منه
شُفته..!

وإنتَ كُنت
جوّا روحك
شَايُله..
وأنا مِ الحُــبّ
حَرمُه..
ولما شُفت عينيها
نَدّع.. وطلّ
وَجهُه..!

يبقى إيه يا قلبى
ذَنبّه..
،،،،،
حَزين يا قلبى
عَلى حُبّ حَقيقى
جِه..
في غير
وَقته..!

لمّا روح خديجة
نادت (مُحمد)
زوجه..
وعِشقه هَام بـ (عِيشه)
روحه..
أهـوا كان غَصب
عَـنّه..؟
أم هِـبة من
رَبّه..؟
أم حُبّ جِه
في غير
وَقته..؟
،،،،،
إنتَ يا قلبى اللى
إمبارح كُنت
حَبسُه..؟

وكلّ ما يَشبّ
حِسّه..
ويمدّ عُنقه
تِشدّه..!
وتِدفـن هَواك
في بِرودة
تلجُه..!

ولو فِ يـوم
من حِرمانه إحمرّ
خَــدّه..
تِعـنّفه.. وتسيب
دَمعه يَجرى..
يَجرى ويروح
لسعُه..!
والنهاردة مِش عارف
تتنّسم في
رَوضُه..!

إزّاى وإنت عصفور
والحُبّ ورا
عيدان القَشّ في
عِشّه..!
مَرّ العُمر وإنتَ
لفّه..!
وعلى رقبتك
خنقُه..
شنقه في
سِجنُه..!
،،،،
حَـزين يا قـلب
عَلى حـُبّ حَقـيقى
جِه..
في غير
وَقته..!


هوّا إنتَ اللى
جِبتُه..؟
واللا ريح شَاردة
رَمتُه..!
وإنت اللى
قَابلته.. و
حَضنتُه..!
وإيه يَعـنى
بَرضُه..؟
ما هوّا حُـبّ
جِه..
في غير
وَقتُه..!

وَحبّتها بَجدّ
وفِ العُمر أقَـلّ من
رُبعُه..!
يِبقى ظلمت الحُبّ..؟
والقلب فِ الحُبّ
ظلمتُه..!
،،،،،
الحُبّ الحقيقى روح
وقلب وعقل في
جَسدُه..!
كُلّ حُبّ حَقيقى
بيتولد وله
عُمـرُه..
يِمنحه الله للى
يِحبّه في
رِزقُه..!
زينة مِ السّما
لقـلب يوم
عُرسُه..!
ولكن الأرض
في مأتم وزمنها
خَـسرُه..!
،،،،،
لاتحزن يا قلب
يكفى حُبّ حقيقى
من ريح الجَنّة
وصلُه..!

لاتأسى يا قلب
على حُبّ جِه..
جِه في غير
وقتُه..!
و.. ولا تلم
لاتلم قدرًا في
رَفضُه..!
رَفضُه..!

******