الفيديوهات الكاملة لفتنة «مرتضى وميدو» في الزمالك
وصلت العلاقة بين المستشار مرتضى منصور، رئيس نادي الزمالك، وأحمد حسام «ميدو»، المدير الفني السابق للفريق، إلى طريق مسدود، بعد التصريحات التي تبادلها الثنائي ضد بعضهما البعض، خلال الساعات الأخيرة بالشكل الذي أشعل العلاقة بينهما، ووضع نادي الزمالك في موقف حرج.
البداية كانت مع أحمد حسام ميدو، الذي خرج عن صمته في مداخلته التليفزيونية أمس مع الإعلامي سيف زاهر، في حضور حازم إمام، مدير الكرة السابق بالزمالك، والذي كشف خلاله عن استعانة رئيس الزمالك بأحد الشيوخ مقابل 7 آلاف جنيه الموسم الماضي، من أجل تحقيق الفوز واستعادة الدوري.
أضاف «ميدو»، في تصريحاته: «أنا هعلمك يا مرتضى يا منصور الأدب»، وأشار إلى أن رئيس الزمالك كان يتدخل في أمور الفريق الفنية، وأنه كان يوصي باستبعاد بعض اللاعبين بسبب أعمال السحر والشعوذة والجن، مؤكدًا أن لديه صورا تثبت صحة حديثه حول استعانة رئيس الزمالك بأعمال الحسر التي يؤمن بها.
وعلى الجانب الآخر، رد مرتضى منصور بقوله: «أنا هربي أحمد حسام ميدو هو ووالده وأخوه وكيل اللاعبين»، مضيفا: «ميدو لا يعلم أن أخوه قدم أكثر من سيرة ذاتية لمدربين لتدريب الزمالك وأنا هربيك يا ميدو انت واخوك وابوك».
أضاف مرتضى أن «ميدو»، المدير الفني السابق للفريق الأبيض، لا يعلم قيمة نادي الزمالك ولذلك قرر مجلس الإدارة إقالته من تدريب الفريق، مضيفًا: «والله العظيم يا ميدو لأخلي أصغر عيل يضربك.. انت يا ولد تتكلم على سيدك مرتضى منصور».
وواصل المستشار مرتضى منصور، رئيس نادي الزمالك، هجومه على أحمد حسام، المدير الفني السابق للقلعة البيضاء، قائلًا: «ميدو عميل قطر وخدام موزة».
وذكر أيضًا: «يا ميدو انت عميل لقطر وخدام كمان لموزة، إزاي تتكلم على سيدك مرتضى، طيب أنا لو حصلت على الدوري بالسحر يبقي انت حصلت على الكأس بالسحر».
وقال رئيس الزمالك: «يا ميدو 7 آلاف جنيه إيه اللي يحصل عليهم الشيخ دول يا........ وأنا بتحداك لو اللي انت قولته صحيح يطلع الصور ولو طلع كذب هضربك بالـ.. انت وابوك مش هخليك تنزل من البيت لمدة سنة».
وأوضح أن نجله أحمد هو الذي أصر على تولي ميدو منصب المدير الفني لفريق كرة القدم، مضيفًا: «يا ميدو انت كنت عيل «...»، وأحمد مرتضى اللي مش عاجبك ده جزمته بدماغك على الأقل مش بيلبس كوتشي، ملكش دعوة بأحمد وأمير، وأنا هخليك تنسى اسمك».
أضاف رئيس الزمالك: «تحب تنضرب فين يا ميدو، ومين اللي أطلق عليك ميدو، سموك كده في خرابات بلجيكا ولا هولندا».
أكد المستشار مرتضى منصور رئيس مجلس إدارة نادي الزمالك، أن أحمد حسام "ميدو" المدير الفني السابق للفريق الأبيض لن يتذكر اسمه بعد الآن بعد هجومه على رئيس النادي.
وذكر مرتضى أيضًا: «يا ميدو أنا هخليك تنسي اسمك وأنا عاملتك بأدب واحترام بعد إقالتك وانت بتقول على مرتضى بيه مرتضى منصور بس من غير مستشار، أنا هعلمك الأدب انت وأبوك اللى باعك وانت صغير وسابك تروح أوروبا وأنت عارف اللي بيروح أوروبا في السن الصغير ده بيحصل إيه.. هكشف عليك في الطب الشرعي وكل كلمة هتدفع تمنها غالي».
أكد المستشار مرتضى منصور، رئيس نادي الزمالك، أنه قرر فسخ تعاقده مع شركة بريزنتيشن الراعية للنادي، مهاجما كلا من المعلق الرياضي مدحت شلبي، ولاعب الزمالك السابق فاروق جعفر، قائلا: «لازم شعرك الأسود ده يا مدحت ياشلبي يرجع أبيض تاني بعد هجومك على الزمالك انت وفاروق جعفر».
وتابع رئيس الزمالك: «أنا كنت بدخل في التشكيل وطب لما انت راجل ليه مش قولت الكلام وانت ماسك الفريق، أنت دمرت الفريق، وبعد انا اللي قولت مش عايز إبراهيم صلاح مش قادر يقف على رجله ولا أحمد حسن مكي وباسم مرسي خلص اللى عنده».
وواصل رئيس الزمالك هجومه على «ميدو» قائلًا: «مرتضى منصور سيدك انت وابوك وانا غلطان أن دخلت واحد زيك الزمالك، انا عايز اعرف هما عملوا ايه معاك وانت صغير في أوروبا وانت سافل مش متربي، وقناة الحياة رفضوا اني ارد على ميدو، وأنا كلمت عصام الامير أن الحياة مش هتذيع للزمالك مباريات تاني والحملة ده مش هتأثر على الزمالك مش ابن مرتضى منصور يا "..." تهاجمه، وأنا غلطان اني عملتك بأدب واحترام وحازم امام اللى سمح لميدو يعمل مداخلة، وأنا نصحتك ياحازم اني يبقي ليك صلاحيات فنية علشان تكون مدرب».
واختتم رئيس الزمالك تصريحاته، قائلا: «أنت لما إبراهيم حسن غلط فيك أنا تاني يوم مشيت إبراهيم حسن، ولما فشلت قبل كدا رجعتك تاني أنا عايز اشوفك هدرب مين تاني، وأحمد مرتضى ده راجل وعضو مجلس شعب، أنت سكران 24 ساعة، تحب تضرب فين ياميدو، هسيبك تخاف كدا هجليك في احلامك وكوابيسك انت شاف وزنك قد ايه، انت عامل زي زكية زكريا بتاع إبراهيم نصر انا هطلعك في كوابيسك، ولو راجل قرب من نادي الزمالك 20 كليو».
