أبلة فاهيتا لـ«شادي حسين»: «إنت شاب شاطر وموهوب»
أصدرت أسرة برنامج «أبلة فاهيتا»، بيانًا جديدا، للتعليق على واقعة الواقى الذكرى، لمراسلها شادى حسين، بعد أن وزع «أوقية ذكرية» على أنها «بلالين» على أفراد الشرطة، خلال احتفالهم بعيد الشرطة السابق، ووجودهم في ميدان التحرير في ذكرى ثورة يناير الماضية.
وقالت «أبلة فاهيتا» في بيانها الذي نشرته على صفحتها الرسمية على «فيس بوك»، إنها تعتز بـ«شادى حسين»، وتقدر جهود «العسكري الغلبان».
وأضافت:«عزيزى شادى إنت شاب شاطر وموهوب، وعارف غلاوتك عندى حتى بطيشك وجنونك وهزارك الثقيل، أنا متأكدة أنك ماتقصدش غير إنك تعبر عن رأيك، أنت شاب والشباب لما بيحبط بيلوش، قلبى عندك وحضنك عندى».
وحرصت «أبلة فاهيتا» على الاعتذار وترضية أفراد الشرطة، قائلة: «عزيزى العسكري الغلبان، حقك علينا، إنت على راسنا من فوق طول ماأنت بتحمى بيوتنا وبوتيكاتنا وحقوقنا، وحتى لو ده واجبك، إحنا مقدرين ومتشكرين. ماتزعلش - ده شباب محبط وتقلها في الهزار.
ووجهت رسالة للشعب، قائلة: «عزيزى الشعب احضن نفسك، إنت مالكش غيرك، عزيزتى حرية التعبير، متكاتفة معاكى ومش ناوية أسيبك، ده إنتى برضك يتيمة زى كارو».
وتابعت أبلة فاهيتا: «أعزائى حبايبى وأعدائى: حقكم تاخدوا على خاطركم منى، البيان اللى نزل الأسبوع اللى فات كان صدمة ليا قبل مايكون صدمة ليكو.. كنت فاكرة إنى الأقوى وكلمتى هي اللى هتمشى، لكن طلع فيه الأقوى.. أنا ست حرة ومابخافش ومش هاعيش غير حرة.. بيقولولى يا أبلة كان باين إنه مش كلامك، خليكى ساكتة وبكره الناس هتنسى.. قولتلهم المهم أنا إمتى هنسى».
وفى ختام البيان، ذكرت فاهيتا: «عزيزى ديوركس اتنفخت أنت في القصة دى، عزيزتكم مهما شتمتوها، الأبلة».
