بالصور.. «نهي وأحمد.. الحالمان بمستقبل أفضل».. قادهما «الحب» لـ«by bike».. «بطاطا بالشيكولاتة» مشروع الخطيبين لإتمام الزفاف.. بدآ من موقف «ألماظة» إلى
«نهي وأحمد» قصة حب لا تعرف الكلل أو اليأس، بحثا عن فكرة تدر عليهما دخل إضافي يساعدهم على بداية حياتهما معًا، وقبل أن يبدأ العام الجديد 2016، كانت الفكرة قد اختمرت في ذهنهما، أنها عربة للبطاطة، أو بالأحري عجلة تحمل صندوقًا يحوي بداخلة بطاطا صنعت بشكل خاص «بطاطا بالنوتيلا».
تفاصيل العمل
أطلق أحمد ونهي على فكرتهما أو العجلة الصغيرة اسم «by bike»، واختارا منطقة العمل ناحية ألماظة، خلف السوبر جيت بمصر الجديدة، وتوقيت العمل من الساعة 9 مساء حتى الساعة 12 بالليل، وقد أعجب بالفكرة كثير من أبناء المنطقة.
شجاعة شباب
كاتب أحمد عفيفي، من سكان المنطقة، شهادته عبر فيس بوك قائلا «الشباب اللي في الصورة هما أصحاب كشك صغير بعجلة مسمينها «by bike».. الناس دي بتعمل أحلى بطاطا ناحية ألماظا ورا السوبر الجيت مصر الجديدة، كل يوم من ٩ إلى ١٢ بالليل، زي ما انتم شايفين شباب زي الفل وولاد ناس، لا اتكسفو ينزلو الشارع عشان يشتغلو على عربية بطاطا، ولا جم قالو ازاي انا أقف بنفسي في الشارع وابيع للناس، بصراحة الشباب دي برافو عليهم وكفاية انهم فكروا ونفذوا الحاجة اللعايزين يعملوها حتى إذا انت شايف انها حاجة عادية على الأقل اشتغلو وتعبو وعملوها.. انا قلت لازم أصورهم وأشجعهم....... برافو عليكم».
موضوع عام
وكتبت نهي عن تجربتها على صفحتها بفيس بوك قائلة «طبعًا أنا مش كاتبة الكلام دة لصحبنا، ولا كل الناس إلى عرفنا شخصيًا عشان أكيد دول عارفين احنا مين وبنعمل إيه بظبط لكن مدام موضوع مشروعنا الصغير أوي بقى موضوع عام وبينتشر كل يوم فمكان جديد فكان لازم نوضح ونشرح إيه الموضوع بظبط، السادة المعلقين والعامة من الناس».
بداية الفكرة
وأضافت «أنا نهى خطيبة أحمد صاحب العجلة الصغيرة إلى فالصورة ديه باختصار كل إلى حصل إن احنا كنا قاعدين من أقل من إسبوعين في مع بعض بندور على فكرة قبل بدايه السنة كمصدر دخل إضافي في 2016 عشان فرحنا السنة ديه انشالله وكمان عشان أحمد إعتماده الرئيسي على السياحة، وطبعًا كلنا عارفين المجال دة عامل ازاي في مصر دلوقتي ولا يمكن الإعتماد عليه أبدًا فقررنا تطبيق concept موجود في كل بلاد العالم حاجة تحت مسمى street food projects، ودة حاجة بتناسب ظروف أي حد فالدنيا سواء موظف أو صاحب عمل أو بدون عمل أصلًا سواء معاك رأس مال أوبدون».
للنجاح مذاق خاص
واستطردت «المهم قررنا بدايه مشروع Bybike عجلة بتلف كل حتة بنبيع عليها بطاطا بطريقة مختلفة عليها nutella وشوية حاجات تانية كل يوم بعد شغلنا من 9 لحد 12 بليل الحمد لله عمرنا ما كنا نتخيل إن ربنا يوفقنا لدرجة كل إلى بيحصل دة إن ناس تجلنا من كل حتة كل يوم عشان عجبهم المنتج إلى اخترعنا من دماغنا وبدون رأس مال ونلاقي ناس بتنشر موضوعنا فكل حتة وفرحنا بتجربتنا وفي أقل من 4 أيام نلاقي قناة المحور بتكلمنا عشان تصور معنا.. هل فعلًا حد يصدق ده».
تصور
وعن مهمتهم الحالية فقالت نهي «دلوقتي المهمة بتعتنا إنتشار التصور دة في كل حته في مصر وتحويل شوارعنا إلى منظر حضاري من ال-small youth projects إن شاء الله».
الوقت خسارة
وعن مساعدتها لأحمد أضافت «أنا وأحمد فعلًا مش فارق معانا كل التعليقات السلبية إلى ضدنا أو بتهاجمنا عشان أكيد احنا عارفين إن دة طبيعي جدًا بالذات في بدايه أي مشروع جديد أو غريب لكن كل إلى بنطلبو منكم كلكم انكم تعيدو حسبتكم على كم الوقت إلى بيضيع على الكافيهات أو القهاوي أو أي مكان بدون أي جدوى يوميًا وتخيل تحويل نص الوقت دة في خدمة أي مشروع في الدنيا إنت تختاره، ربنا يوفقنا كلنا ويعينا على الأيام إلى احنا فيها ونشالله احنا حنخلي بكرة أحلى.. مستنينكم كلكم على Bybike عشان نسمع رأيكم بجد في أحلى بطاطا في الدنيا».
