سيدات خارقات
الست ممكن تكون مش نايمة كويس أو ما نامتش أصلًا، وبتصحى تعمل لعيالها السندويتشات وتحضر لبسهم وشنطهم، وتفطر جوزها، وتنزلهم يادوب تريح لها ساعتين، وتصحى تفكر هاتعمل ايه لجوزها اللي راجع من الشغل مش طايق نفسه عشان يرتاح.. ومستني لقمة حلوة وفرشة نظيفة وتطبطب، وتدلع، وتأكل، وتشيل، وتغسل مواعين وغسيل وتوضيب، وبعد ما وسطها يتهد على نص اليوم، ومافيهاش حيل تقف، ولا تنطق تبدأ معمعة العيال، وتشوف واجباتهم، ومذاكرتهم وطلباتهم، ومين عيان، ومين ماذاكرش ومين ضوافره ماتقصتش..
وعيد الشريط من الأول كل يوم.. دي ست البيت العادية على فكرة اللي مش بتشتغل!
الست بيكون فيها اللي مكفيها تعبانة هلكانه مكتئبة بتموت، وبتطبطب وتداوي وتدور على راحة اللي بتحبهم قبل راحتها! صباح الخير يا خارقات.
