رئيس التحرير
عصام كامل
Advertisements
Advertisements
Advertisements

بالصور .. أهالي الوراق: هننتخب اللى ينضف الشوارع من «الزبالة»

فيتو

انتاب أهالي منطقة الوراق بمحافظة الجيزة خلال تلك الفترة حالة من الغضب والاستياء الشديد بسبب تراكم أكوام القمامة في المناطق الكائنة بوسط البلده نتيجة تأخر رئاسة الحى في رفعها، الأمر الذي يجعلها مأموى للكلاب والحيوانات الضالة خلال فترة الليل ويؤدى لانتشار الذباب والحشرات الناقلة للعدوى ويهدد بإصابة العديد من السكان بالأمراض والأوبئة.


يأتى ذلك بالتزامن مع تقدم العديد من المرشحين لعضوية مجلس النواب في الانتخابات البرلمانية المقبلة وقيامهم بـ"غزو" الشوارع والميادين بلافتاتهم التي تحمل عبارات وكلمات "رنانة" في محاوله لكسب رضاء الناخبين.

"فيتو" رصدت الأزمة وتجولت في شوارع الوراق وعايشت المواطنين معاناتهم مع أزمة التلوث والتقطت صورا لشوارعهم الغارقة في أكوام القاذورات.

ويقول محمد عبد المحسن، 50 عاما، موظف بالمعاش: «إحنا محدش حاسس بينا ويعتبر مش عايشين لأننا غلبنا شكاوى وكلام مع رئاسة الحى عشان تيجى تشيل الزبالة من الشوارع وترحمنا من ريحتها ولكنها بتمشى على سطر وتسيب سطر وبتيجى كل يومين».

وأضاف، وهبة السلامونى، 20 عاما ميكانيكى: «الوضع ده محتاج لنزول رئيس مجلس الوزراء في زيارة مفاجئة عشان يمشى في الشوارع دى ويحس بالناس اللى فيها عايشين إزاى، وكل يوم أكتر من 10 مرشحين بينزلوا يلفوا عالقهاوى ويتكلموا معانا ويوعدونا بحاجات وهمية وبصراحة اللى اتلسع من الشوربة بينفخ في الزبادى، والمرشح اللى عايزنا ننتخبه يجيب رجالته وينزلوا ينضفوا الشوارع من الزبالة».
Advertisements
الجريدة الرسمية