بالفيديو.. «السيسي» عن بقائه رئيسًا رغم إرادة الشعب: «مش هيحصل تاني»
أكد الرئيس عبد الفتاح السيسي، حدوث طفرة تغيير حقيقية في مصر، موضحًا أن جميع المواطنين لديهم إرادة حرة بعكس ما كان في السابق، جاء ذلك خلال الاحتفال بذكرى نصر أكتوبر الذي أقيم بمقر الكلية الحربية اليوم الاثنين.
وقال الرئيس عبدالفتاح السيسي، موجهًا حديثه للمصريين: "مين النهاردة يقدر يقول إنه هيقعد في الموقع اللى أنا موجود فيه، رغم إرادة الناس، لا مش هيحصل تانى".
وتابع: "فيه تغيير حقيقي وكبير أوى حصل في البلد، النهاردة فيه دورة رئاسية بتنتهى وبتتعمل انتخابات أخرى، والكلام ده كان صعبًا قبل كده، النهاردة ده طبيعى، مش ده إنجاز؟؟".
وعبر الرئيس، قائلا: "إرادتكم حرة، ومحدش هيفرض أبدًا عليكم إرادته، لا رئيس ولا غير رئيس، وكل اللى أنتوا بتتمنوه هيتحقق بفضل الله".
وأردف السيسي قائلا: "اوعوا تفتكروا إن فيه أي حد مرة تانية هيرجع بيكم للوراء".
يذكر أن الاحتفال بذكرى نصر أكتوبر حضره قادة الجيش والعسكريون وكبار رجال الدولة، على رأسهم وزير الدفاع الفريق أول صدقى صبحى، والمستشار عدلي منصور، رئيس المحكمة الدستورية.
