رئيس التحرير
عصام كامل
Advertisements
Advertisements
Advertisements

اوعاك تكون..!


أنا كُنت فاكر أن الحياة عادية، والشخصيات إللي فيها ممكن يطلعوا كويسين، وابتديت أشتغل كتير على الأساس ده من فترة كبيرة زي أي شاب عادي يعني.


لكن في واقع الأمر الحياة ماطلعتش عادي خالص، وطلعت أنا إللي مضحوك عليا، ومن بدري كمان.. واكتشفت مؤخرًا أن فيه شوية حاجات بتحصل ليك، قادرة أنها تخليك واحد تاني، ومش بعيد وحدة تاني! 

وعرفت أن مش كل الناس بتحبك، ولا كل الناس أصلًا لازم تحبك، في ناس عايزاك موجود، وناس مش فارق معاها، وناس بتحاول وناس بتفكر فيك وأنت بتفكر في ناس تانيين! 

أصلًا تكرار كلمة "ناس" في حد ذاته، كفيل أنه يقفلك ١٠ سنين قدام، علشان كدة راح من مُنطلق أن أنا كان مضحوك عليا بس فوقت فحابب أقول كلمتين:

صديقي العزيز أنت!
تحية طيبة وبعد،
بُص يابني أنا طلع عين أمي في الدنيا دي وكل ده ولسه بدري، أنا كُنت هضيع بس الحمد لله رجعت تاني واكتشفت شوية حاجات عايز أقولها لك..

اوعاك تكون من تاني ضعيف، وبلاش تعيش أهبل.
اوعاك تكون راضي بواقع هو عايزك وأنت مش عايزه.
اوعاك تكون حزين والفرح قدام منك المفروض.
اوعاك تكون عايش مستني، خليهوم دايمًا يستنوك.
اوعاك تحب إللي ماحبكش، وماتحبش إللي حبك "ركز شوية".
اوعاك تستسلم لحاجات ممكن تتبدل.
اوعاك ماتقومش من تاني وتهد الدُنيا، وتقول أنا أهو.

الدنيا حلوة بس إحنا إللي وحشناها، وغيّرناها وبدلنا المفاهيم.
عيش وافتكر أنها اتعملت عشانك أنت، دور دايمًا على الفرحة في كل شيء وأكيد هتلاقي، بس إللي يتعب!

ودايمًا قول: اللهم أرزقنا فرحة واحد لقى ركنة تحت المشوار إللي رايحه بالظبط.
Advertisements
الجريدة الرسمية