«دي مصــر على وش ولادة» قصيدة لمحمد كشيك

قومي وهاتي
كتير مناديـــــــــل
وميه سخـــنة، وبزيادة
دي بلدنا قاست
صبر جميل
بلدنا على وش – ولاده
مولود، وأسمر شكله جميـــل
ده الطلق عندك
بقي عادة،
من يوم، بيجري عليه، اتنين
ليوم بينطق، بعباده
طالعين، بنشرب
ماء، من النيـــل
وبنرفض، القهوة الســــــــــــادة 
نازلين نطبــّل في المواويل
الحب في هواكي، عبــــادة
مابانامشي، أو باسهر، في الليـــــل،
باتعب كتيـــر ولافيه وســــاده
باكتب كتير فيكي المواويل
والضي على وش ولاده.