يوم ما ضحكت ع الجراح
كان في دمعة زمان فـ عيني
خفت تنزل حتى بيني
فضلت حابسة كتير دموع
خفت أطفيلكم الشموع
كتير يئست
كتير آسيت
صوتي اندبح
وأقول ياريت
كرهت نفسي
كرهت الناس
كفرت فيهم بالإحساس
لحد ما جاني ف ليلة الوحي
قالي معايا ليك رسالة
متعشيش دينك ف حالة
انسي الوجع والقوالة
وافتكرلك بس آية
آية واحدة من رب العدالة
" فاصبر لحكم ربك فإنك بأعيننا "
نسيت أنا أي هم
ضحكت ع الجراح
دي باعوضة بتمص دم
ربك كاتب اللي راح
افتكرت أمي زمان
في سجدة ليها بعد أدان
يكفيكي ولاد الحرام
كانت دعوه بضحك عليها
وابتسم وأبوس أيديها
دلوقتي بس حسبتها
أما خرج من عندي ناس
عليت بأيدي ف يوم قيمتها
حمدت ربي ورضيت
سجدت ونمت وناجيت
جاتلي تاني يوم آية
"أليس الله بكاف عبده"
يارب كافي أوي عبدك
راضية ومآمنة بوعدك
تجمع البشر ف يوم
من غير هموم
من غير غموم
