بالصور.. مذيع «100 ريختر» يتهم «ونش مرور» بتخريب سيارته
نشر الفنان خالد عليش مقدم برنامج «100 ريختر» المذاع على فضائية «mbc مصر2» على صفحته عبر فيس بوك صورا لسيارته بعد تخريب أحد أوناش المرور لها عقب سحبها ووضعها في منطقة أخرى.
وقال الفنان على صفحته نصًا: «قصة حزينة قصيرة.. أمبارح استلمت عربيتي من التوكيل بعد تغيير الاكصدام الأمامي عشان اتخبط في حديدة صغيرة في الأرض وغيرت الزجاج الأمامي عشان خد طوبتين من عربية نقل عالدائري.. النهاردة ماشي بعربيتي مخلي بالي منها ما أنا برنس لسه طالع من التوكيل أمبارح وروحت مستشفى الكهربا في ألماظة وركنت العربية في مكان لا يحمل أي إشارة ممنوع انتظار السيارات بجوار مستشفى.. المهم خرجت لقيت العربية مش موجودة فسألت قالولي الونش شالها.. أيوه شالها على فين.. طيب هدفع كم.. قالولي هو بيرمي العربيات في الشارع ده.. دخلت الشارع أدور على العربية لقيتها من ضهرها فلة قلت الحمد لله ببص لوشها شوفت المنظر ده الاكصدام الأمامي مدمر والكبوت محكوك حكة غريبة والنمر واقعة في الأرض وكارتيرة العجلة الشمال مهربدة.. بصيت للعربية وخدتها ومشيت.. اللي مضايقني مش العربية اللي مضايقني أني مشيت ومعملتش محضر ومعملتش عشان مكنتش هستفيد غير وقتي اللي هيضيع ومش هوصل لحاجة، مش حقولك شير عشان نفضحهم.. عشان حتى الشير مش مفيد».
