«ياقناة السويس ياجديدة» قصيدة للشاعر محمد عبد القوى حسن
ياقناة السويس ياجديدة
ياللى أنت ف دمانا ولبدة
يافاتحة الأمل شبابيك
وقافلة بيبان الضيق
يسلم من يشق طريق
من أصبح شعاع وبريق
في حياتنا بحق حقيق
من شاور وقال أنا جاى
ومعايا الشموع والناى
أصبح للشعوب تكاليل
من ضم النهار بالليل
بالثانية الحياة تتعد
بالصدق وعزيمة وجد
من لبس بهية الطرحة
رقص فـ عيونها الفرحة
تسلم يافتى ياشديد
يامخلى الحياة أناشبد
ومدوقنا طعم جديد
خليتنا نشوف العيد
ف حياتنا بدون مواعيد
وأنا طالع فـ وسط الشارع
حاضن فـ الصباح البارع
من قلب الصعيد ومبحر
عاوز أدخل فـ فلب المنظر
في ملامح التاريخ المبهر
والله من زمان ياسويس
من ساعة ماكنت في جيش
مابيعرف غير التضحية
ما أحلانى وأنا ف جهادية
وأنا عايش الحياة وطنية
وأنا عودى يادوب عشرين
دلوقتى بياخدنى حنين
وأهو جانى الندا ولبيت
وسمعته وكمان حسيت
أنا لسه واقف فـ الخدمة
وبعهد الآله والذمة
ﻻضمك حبيبتى ضمة
وﻻخلى الألم زغاريد
أنا جاى ومالينى الشوق
لحياة العمل والذوق
ﻻصحاب القلوب الصافية
ومشاعر الأمانى الدافية
جاى اكتب تاريخى بيدى
وتهون المحن وتعدى
وهانعرق هنا سنة واحدة
وبعديعا القلوب متواعدة
مع عودة حياتنا الوردى
ولتفضل بلدنا الغالية
فـ جبين الأماجد عالية
يامصر التاريخ أمجاد
من يومك وأنت حامية بلاد
وتقودى بوداد وبعزة
لوارات النصر بمعزة
عودى عودى لعهد جدودى
ولغنى فـ ميلاد مولودى
يابيوت السويس يابيوتنا
وادى كابتن غزالى قائدنا
ومعانا جميع شعبتنا
بشرانا فـ حي وحدتنا
جاين نشهد الأعراس
وندق هنا الأجراس
ويجينا الهتاف الأوحد
من عند الإله الأمجد
ماتكبر ياواد وتعلى
الله أكبر نقولها تملى
فـ أكتوبر المجيد قولناها
فـ قناة السويس بدناها
وفـ هزة قلوبنا الصامدة
حسينا بعظيم معناها
