رئيس التحرير
عصام كامل
Advertisements
Advertisements
Advertisements

حلمك حي


> في يوم سمع شاب عن حكيم ساكن في الجبل فحب يروح يسأله عن إيه هو سر البقاء وبالفعل بدأ في رحلته علشان يروح ويسأل الحكيم عن سر البقاء وبعد مدة طويلة من السفر وصل لبيت الحكيم وخبط على بابه وأول ما فتح الحكيم على طول سأله الشاب إيه هو سر البقاء؟ الحكيم استغرب من أن الشاب حتى مستناش ياخد نفسه وسأله على طول ولكن قاله أنت عاوز تعرف أيه هو سر البقاء ؟؟ فالشاب بص كده للحكيم كأنه عاوز يقوله أومال أنا بسألك ليه ؟؟ قاله آه فالحكيم قال طب استنى وبالفعل غاب الحكيم شوية ورجع وهو ماسك إناء كبير مليان مياه وقال للشاب بص في الإناء وأول ما الولد بص جوه الإناء راح الحكيم حط رأس الشاب في الإناء بإيده في البداية مكانتش قوة الشاب بالقدر الكافي اللي تخليه يقدر يشيل إيد الحكيم لكنه حاول بقوة أكبر ولكن الحكيم بقي بيضغط أكتر وساعتها لما الشاب حس إنه خلاص ممكن يفارق الحياة بكل قوته شال إيد الحكيم وأول ما أخد نفسه بص للحكيم وقاله: أنت مجنون ؟؟ قاله أنت شكلك مفهمتش أنا أقصد إيه ؟؟ قاله: أنت تقصد تموتني فالحكيم استعجب وقاله: لا أنا كان قصدي أوريك سر البقاء أنك في البداية مكنتش مدى اهتمام لكن بعد كده لما حسيت الخطر بيزيد بقي عندك هدف إنك تشيل إيدي علشان تفضل على قيد الحياة.


هو ده سر البقاء إنك تكمل مهما وقعت علشان توصل لهدفك، طبيعي إنك تقع لكن مش طبيعي إنك تكمل في الوقوع.

اتعلم من كل مرة بتقع فيها ومن كل ضغط بيقع عليك حاجة مفيدة، توماس أديسون غلط أكتر من 99 مرة ولما سألوه عن محاولات فشله قال: أنا مفشلتش 99 مرة لكن عرفت إن في 99 طريقة بتوصل لحاجات تانية غير المصباح الكهربائي. صاحب سلسلة مطاعم كنتاكي اترفد من 1007 مطاعم ومع ذلك كمل في حلمه لحد ما وصل.

متخليش المرات اللي وقعت فيها تأثر عليك بالعكس اتعلم واستفيد منها وخليك واثق بأن ربنا في النهاية كاتبلك رزقك.
Advertisements
الجريدة الرسمية