محمود الخطيب يروي لـ «صاحبة السعادة» قصة «البطيخة»
روى أسطورة الملاعب المصرية محمود الخطيب، نجم الأهلى ومنتخب مصر السابق، للإعلامية إسعاد يونس فى برنامجها «صاحبة السعادة»، قصته طريفة مع والده انتهت بضياع «بطيخة».
وقال «الخطيب»: « والدى اشتري بطيختين وتركهما عند البياع والذى يفصله عن منزلنا نحو 2 كيلو.. وفور وصول والدى للمنزل أمرني أنا وأخي بإحضار البطيختين.
وأضاف: «قررت أروح أجيبهم بمفردي من غير أخويا علشان أفرح أبويا.. وفعلا روحت وخدت البطيختين وماشى بيهم لقيتهم وزنهم ثقيل ومش قادر أكمل السكة.. وروحت واقف فى نصف الطريق وحفرت حفرة فى التراب ودفنت واحدة وخدت التانية ووصلت البيت.. ورجعت أجيب البطيخة اللى دفنتها مالقتهاش.. وكأن كان فى واحد مراقبنى ومستنينى أمشى علشان ياخدها.. ولما روحت لوالدتى وحكيتلها على الموقف قالت لى حط البطيخة اللى جبتها تحت السرير وأسكت وأنا هاتصرف مع أبوك».
