«سيدة المطار» تثير جدلا واسعًا على صفحات التواصل الاجتماعي.. محمود: «قابلتها مرتين إنسانة مائية ملهاش في الحشيش».. نادية: «دي ست متربتش».. وأحمد: «اتعاملت معاها في ش

١) واحدة كانت شغالة في EFG وعايشة في الجونة تتاجر في الحشيش ليه؟
٢) واحدة معاها كل الحشيش ده وطالعة بيه على الطيارة وكمان حتتخانق مع الأمن والناس بتصور وتقول بكل ثقة يلا على القسم إزاي؟
٣) رد الفعل بتاع "ديه لازم تتعلق" والشرطة الغلبانة ده جاي منين؟

يعني أنا مع حق الظابط إنه يعملها قضية اعتداء ويلبسها الكلبشات كمان، عشان ده قانون وحقه.. بس يلبسها إتجار؟ وبعدين هي لما اعتدت عملت إيه؟ زقته؟ اتبل بمية؟ علت صوتها عليه؟ بجد؟ يعني إحنا في بلد الظابط يقل أدبه عليك ويضربك ويلطشلك ويضربك بالخرطوش ويقتلك ويبقى متسجل صوت وصورة ومحدش يتسجن غير الشهود ونقول معلش أصلها كانت رفيعة وعشان كده الخرطوش قتلها ومحدش عمل حاجة، وواحدة زقت ظابط وقلت أدبها عليه يبقى الكلام إنه أحسن إنهم لبسوها قضية إتجار وقالوا عليها رقاصة ونشروا بطاقتها وعنوانها وصورها مع أصحابها؟ سؤال بس يعني: هو أنتم ليه مش فاهمين إن القانون منطق من غير مشاعر؟ يعني مش حاجة شخصية ومشاعرنا كلها مافيهاش مكان ليها؟ أنا لما باحكي حكايتها أنا مش باقولها عشان الناس تتعاطف: أنا باحكي وقائع وموافق إن الظابط يعملها محضر تعدي عشان هي تعدت والقانون منطق مافيهوش مشاعر وكنت ساعتها ضربت تعظيم سلام للظابط المحترم اللي تعامل قانوني.. ليه بقى الفضيحة والتجريس ونشر بطاقتها اللي إحنا عارفين من سربها للإعلام؟ وتلفيق قضية إتجار؟ مش ده جاي من مشاعر الشرطة الكريمة من زاوية إحنا لازم نعمل منها عبرة؟ إيه دخل ده في القانون؟ محتاجينه ليه؟ بتعملوه ليه؟ والأهم من ده كله، شايفينه من حقكم ليه؟ القانون منطق من غير مشاعر.. افتكروا الجملة دي كويس، حتلاقو إنكم مش محتاجين تخلقو قضية رأي عام إنتم عارفين إنها فشنك عشان تخلو الناس تتعاطف مع الداخلية.. بس كده».

من جانبها، قالت إيمان سيد: «بس هي غلطانة برضه ومش لازم نربط إنها علشان مليونيرة ما تتاجرش في الحشيش ماهو بن لادن كان مليونير برضه وطلع إرهابي».

وعلقت لولو غازي: «أنا برضه قلت الكلام ده ست مثلا معاها حشيش ولا أي مخالفة هتتكلم بكل ثقة بشكل ده مستحيل».

وقال على الحصري: «الست دي اتعملها حفلة عشان هي محترمتش نفسها ولا أبوها ولا جوزها وواضح إنها لا تتقي الله فيما تفعل فربنا يسلط عليها من لا يخافه ولا يرحمها».

وأضاف أحمد شاكر: «أنا أعرف ياسمين النرش شخصيا اتعاملت معاها في شغل، إنسانة راقية ومتحضرة وأكيد عندها ذوق راقي جدا كمان وعلشان توصل للحالة دي لازم تكون تحت ضغط شديد أو ما اتعاملتش بذكاء أو استفزت جامد.. مدام ياسمين ست هانم محترمة».

وتابعت نادية منتصر: «دي ست ما وردتش على تربية».

وكتب طارق سلامة: «أسلوب متجدد لوزارة الداخلية فيه لمسات قطاع الأمن القومي أمن الدولة سابقا... ماشي ريمة رجعت لعادتها القديمة! كل ما فيها للأسف وقعت في الفخ غيرها أشطر منها بكتير وقعو في مواقف مماثلة برضه، وماذا لو هي حالة مرضية كحالة اكتئاب التي لها عوارض غضب عنيف مفاجئ؟ هل النظام القانوني المصري بينصف الحالات دي؟ عموما يا ريت الحق يظهر في بلد المتهم مدان قبل محاكمته».