تغريدة لنوارة نجم تكشف صورة قاتل شيخ الطريقة الرفاعية

كشفت تغريدة للناشطة السياسية نوارة نجم عن صورة لقاتل شيخ الطريقة الرفاعية، الشيخ إبراهيم الرفاعى.

وكتبت نوارة نجم تغريدة على "تويتر" قالت فيها: " شيخ الطريقة الرفاعية اتقتل على يد سلفي بـ14 طعنة وماحدش عمل هلولة ولا علشان كان راجل فقير ومعاه موبايل كارت مش خط".

فردت عليها "فيف N_Vivovivoo" قائلة:" أنا شفت الجريمة دي بعيني يا نوارة اقري التويتس".

واستطردت في تغريداتها قائلة:" عايزة أحكيلكم عن جدعنة الشعب المصري اللي شفتها بعينيا امبارح ممكن؟"".

وأضافت: "إمبارح كنت عند بابا وانا راجعة لقيت شيخ بيجري ووراه راجل سُني بدقن وفجأة وقعوا على الأرض وفضل يطعن فيه بسكينة والناس بتتفرج".

وأضافت: "والكلام ده بعد صلاة العصر والراجل اللي قتل الشيخ جري ولا نفر جري وراه".

وقالت: "سألت على الشيخ اللي اتقتل قالولي إن اسمه الشيخ إبراهيم الرفاعي وعملت سيرش لقيت صورته".

وأضافت: "ولا قبضوا على اللي قتله لدلوقتي ولا حايتجاب.. لدلوقتي الراجل متجابش رغم أنه متصور".

وقالت: " اللي عرفته من بابا إن الراجل اللي قتله صلى معاه العصر".

وكتبت "فيف": " كاميرات البنك اللي هناك صورت.. بس أنا جايبة اللوم على الناس لأن اتقتل قدامهم ومحدش اتحرك والله الكل كان بيتفرج".