«نطالب برحيل جاريدو» يشعل «تويتر».. ميدو: «شنطتك واخلع.. ده نادي بطولات يا عم الحج».. أحمد: «الفريق كبير عليك».. حافظ: «بيفهم في كل حاجة إلا التدريب».
دشن مستخدمو موقع التواصل الاجتماعى «تويتر»، مساء اليوم الإثنين، هاشتاجًا جديدًا يحمل عنوان «نطالب برحيل جاريدو»، تفاعل معه الكثير من المغردين، وذلك عقب تغلب المقاولون العرب، على الأهلي، بهدف دون مقابل، في الجولة الـ26 من الدوري المصري.
وسجل هدف المقاولون، محمد سالم، في الدقيقة 80، من عمر اللقاء، وتعد تلك هي الهزيمة الرابعة للأهلي في الدوري، هذا الموسم، وبهذه النتيجة، يستمر الأهلي في المركز الثالث بـ46 نقطة، فيما صعد المقاولون للمركز الخامس بـ39 نقطة، ومن جانبها رصدت «فيتو» أبرز التعليقات.
أحمد محمود: «الفريق كبير عليك يا فاشل، آخرك تدرب فريق تحت السلم».
محمد بكر: «يا ريت الزملكاوية يهدوا شوية ويعرفوا تاريخهم الأول».
عميرة: «فريق أكبر منه مش هنستنى حاجة تاني تضيع كفاية اللي خسرناه اللي مش مقدر حجم المسئولية يغور في داهية مش لسة هنطبطب».
أحمد سليم: «الحاجة الوحيدة الكويسة في جاريدو أنه بيلبس بدل شيك.. أما غير كده فاشل لازم يرحل».
دينا: «واضح أن الأهلي كان بيلعب وواضح أنه خسر!! وواضح أن فيه إجماع على كدا طب أنا مش عايزة الأهلي ياخد الدوري بس الزمالك لااااااااا».
مصرية وأفتخر: «تفرح بالدوري لما كل الأندية تبقا قوية موش عشان الأهلي وحش السنة دية، الكورة الصح إنها تكون صعبة وتصل للقمة رغم قوة من حولك».
أبو العيون: «ولو محمود طاهر خايف على الأهلي وماشي على نهج صالح سليم زي ما بيقول يتصرف ويجيب جوزيه تاني».
شيكو: «جاريدو فاهم التدريب غلط ياخوانا بيثبت الجاكيت وكل ماتش يلعب بخطة».
حافظ: «جاريدو بيفهم في كل حاجة إلا التدريب».
كوستا: «اتنين صحاب معرفهمش سألوني الأهلي عمل إيه قولتلهم خسر ومبروك ليييينا.. من ساعتها اعدين يتكلموا على بطولات الأهلي وانا عمال اضحك».
آسر أحمد: «هو أنا عشت ليوم أشوف الزمالك يفوز والأهلي يخسر وأشوف أن الدوري يضيع من الأهلي.. روح يا شيخ الله يخدك نطالب برحيل جاريدو».
السوسة: «الأهلي بيضيع كفاية كده».
ميدو توتى: «شنطتك واخلع.. ده نادي بطولات يا عم الحج».
أحمد فرانكو: «الأهلي مش حقل تجارب لمدرب فاشل».
محمد فرحات: «عماد متعب يسخن ينزل صلاح الدين ارحل يا جاريدو نطالب برحيل جاريدو».
علاء: «حضر الشنطة يا اسطي».
ميرنا: «الراجل ده ميقعدش في مصر يوم تاني».
