بالفيديو.. سيدة بميدان رمسيس: «الحي شردني ورفضوا يسلموني كشك»
تستعد محافظة القاهرة، اليوم الأحد، لنقل الباعة الجائلين بميدان رمسيس إلى موقف أحمد حلمي، وذلك في إطار خطة المحافظة لتجميل منطقة وسط المدينة.
ورحب عدد من الباعة الجائلين بالقرار بينما اعترض آخرون، مؤكدون أن الميدان هو المكان الوحيد الذي يعرضون فيه بضائعهم وسبيل رزقهم الوحيد.
وقالت إحدى البائعات لـ«فيتو»: «جوزي مات في حريق وسابلي أربع عيال بنام في الشارع تحت فرشة الشاي، وملناش حد يسأل علينا بعد ما مات».
وأضافت: «أنا ببيع شاي في ميدان رمسيس بقالي 25 سنة، والفرشة دي هي كل حاجة عندنا، هي بيتنا ولقمة عيشنا، وكل حاجة عندنا، بعد ما بنخلص شغل بنام أنا والعيال تحتها الفرش، ملناش راجل ولا حد يسأل علينا، بعد ما جوزي مات في حريقة أنبوبة هنا في الميدان، وأحنا نايمين في الميدان من سنة ونصف».
وتابعت: «ولادي اليتامى هصرف عليهم بعد كده منين علشان مفيش حد بتوع الحي عايز يديني كشك، ده مرضيش ربنا، أنا مليش أي حاجة، والمعاش مرضيوش يعملوه قالي لازم ترجعي بلدك في الغربية، لو ده يرضي الرئيس يبقي أحنا هنرضى ونعيش».
