بالفيديو.. أبوحفيظة يغني «حال البلد قافلني» على طريقة «أبوالليف»
قدم الإعلامي«أكرم حسني»، الشهير بـ «سيد أبو حفيظة»، أغنية «أنا طيارتي يوم الحد» للشباب الذي يريد الهجرة خارج مصر، على طريقة أغنية «مبقاش عندي ثقة في حد» للنجم المصري «أبوالليف».
وقال «أبوحفيظة»، خلال تقديمه برنامج «أسعد الله مساءكم من جديد»، المذاع على فضائية «MBC مصر»،: «المواطن المصري دايمًا بيفكر يخرج بره مصر، ولكنه بيتصدم أول ما الفيزا بتاعته تتكسر، وبعد ما كان بيحلم أنه يعمل ثروة زي هنيدي في فيلم همام في أمستردام، يلاقي نفسه هربان زي عادل إمام في فيلم المشبوه، وأحب أقولك اهدى يا برنس والبس هنا أحسن ما تلبس بره».
وعرض أبو حفيظة أغنيته الجديدة وجاءت كلماتها: «أنا طيارتي يوم الحد، جهزت أنا كل حاجاتي.. ده اللى شوفته في البلد دي والله ميتنسيش، أنا أصلي زهقت بجد.. قاعد على القهوة يوماتي.. دي مش أصول شغال في مول يوم شغل ويوم مفيش، حال البلد قافلني تعبان وممرمطني في رقبتي مسئولية وأنا برضوا غصب عني، أنا عاوز أعيش في بلدي بس الضغوط كتير، كان نفسي أعيش في شقة بتهان مبقولش لاء ويقولك ليه تسيبنا.. بفطر واتعشا دقة، قررت خلاص أهاجر أخود فيزا وأطير».
