بالفيديو.. تبادل لـ «الشتائم» بين مصطفى كامل وسما المصري على الهواء

تبادل الفنان مصطفى كامل والمطربة الاستعراضية سما المصري الشتائم على الهواء مباشرة، بسبب هجوم سما المصري على نقابة الموسيقين واتهامها لمصطفى كامل بشطب اسمها من النقابة لخدمة رئيس نادي الزمالك.

وقال كامل، خلال مداخلة هاتفية ببرنامج "العاشرة مساءً" المذاع على شاشة "دريم2"، «ميشرفنيش أني اتكلم معاكي، ولا إني أقولك اسمك حتى، أنا ممضتش على جواب شطبك من النقابة، كل الأعضاء قرروا شطبك عشان أنتي متشرفناش، أنا أصلا مبحبش أتكلم لا عنك ولا معاكي، أنا مكنتش محتاج أحقق معاكي كفاية الكليبات بتاعتك واللي بتعمليه فيها، أنا بقرف لما بشوفك".

فردت سما: "القلوب عند بعضيها يا أستاذ مصطفى" فرد غاضبا: "أنتي قليلة الأدب"، فبادلته الشتائم على الهواء.