بالصورة.. فتاة مصرية تروي مأساتها مع مركز تجميل شهير

روت فتاة مصرية شابة مأساتها مع أحد مراكز التجميل والذي تسبب في مشاكل صحية لها نتيجة إجراء عملية صبغ لشعرها دون إجراء اختبار للحساسية أو تنبيها لذلك من قبل المركز.

وتروي ميادة السيد تفاصيل قصتها مع " ط.ط" بيوتي سنتر قائلة: "أنا عميلة عندهم من 5 سنين.. رحت الشهر اللي فات فرع هليوبوليس، عملت هناك صبغة لأول مرة، وسألت قبل المعمل إذا كنت هحتاج أعمل اختبار قبليها وقالولي أنه مفيش داعي، بعديها بيوم صحيت من النوم لقيت وشي كله وارم وعيني مش قادرة افتحها، رحت للدكتور فورا قاللي انتي عندك حساسية من الصبغة والمفروض كنتي تعملي تيست قبليها، وقاللي كمان أن النوع ده من الحساسية نادر، ومش بيتعرف إلا لما يحصل عشان كده اختبار الصبغة ده ضروري جدا.

وأضافت: "اتصلت بصاحب المركز المساعدة بتاعته ردت عليا وقالتلي: المشكلة في بشرتك إنتي مش في الصبغة بتاعتنا !!، انتي مكبرة الموضوع كده ليه المشكلة دي حصلت مع ناس كتير قبلك ومفيش حد عمل اللي انتي بتعمليه ده".

وقالت "الفكرة أن هما عارفين كده وبردو مش بيعملو تيست للناس.. أنا المفروض بتعامل مع اسم كبير وبثق فيه عشان كده مكنش عندي مشكلة ادفع ازيد من الطبيعي عشان الاقي في المقابل احسن خدمة، فلو فيه مراكز مش بتعمل تيست وبتضحي ب بحالتين أو ثلاثة كل سنة يحصل فيهم كده، المفروض اغلى بيوتي سنتر في مصرميعملش كده، وكمان رفض أنه يرجعلي فلوسي اللي دفعتها، لو اللي قبلي سكتو فانا مش هسكت لاني مش عايزة واحدة غيري يحصل فيها كده بسبب اني سكت".

وقال "ي.ط" أحد المسؤولين بالمركز:" اخت مدام مياده اتصلت بمالك المركز نفسه وقلها انا تحت امرك وشرفينى انا في انتظارك انتى ومدام مياده واللى حضرتك تأمرينى بيه انا تحت امرك فيه ويستحيل اقبل انك تخرجى متضايقه من عندنا،وللاسف لم تحضر وبعد كده انا بذلت مجهود رهيب من أجل الوصول لرقم تليفونها وأول ما عرفته بدأت اتواصل مع مدام مياده".

وتنصح ميادة "لكل البنات لازم تعملو تيست للصبغة في خصلة صغيرة من ورا قبل ماتصبغو شعركو وتستنو 24 ساعة وتتأكدوا أن مفيش أي اعراض ظهرت عليكو.