وحشتني

بقالك مدة غايب عنى
يا ترى مالك؟
قلقتنى!
تكونش لسه زعلان منى؟
وسايق دلالك؟
وعشان ده كله خاصمتنى؟
على فكرة بقى..
وحشتنى!!
عمالة أفكر فيك.. ولسه
باسأل نفسي عن أحوالك
برغم إن انت ظلمتنى
تلاقينى أصلا مش على بالك
ولا فكرت تسأل عنى
ما أنا اللى روحى ليك رايحالك
من ساعة ما انت سيبتنى
ما تقولّى بس إيه اللى جرالك؟
أوام بسرعة كرهتنى؟
نسيت خلاص إنى حبيبتك
وإنى ياما غفرت ذنبك
وكنت كل مرة تغلط..
قلبى كان دايما يسامحك
خلاص ما بقيتش تحبنى؟
ده انت اللى منى..
وأنا اللى منك..
أنا الوحيدة اللى باقيالك
كفاياك قسوة.. تعبتنى
تعالى يلّا أنا مشتاقالك
ارجع لحضنى وضمنى
وحياة عينيك أنا محتاجالك
بالله عليك ما تصدنى
وأوعى تنسى إن اللى بينا
مش مجرد حب عادى
أصلك انت لو نسيت..
قلبي مش راح ينسهالك
وتبقي حقيقي صدمتنى
هو انت بجد عشقتنى؟؟
أقولك حاجة...
أنا خلاص قلت اللى عندى
وما عادش باقي من الكلام
غير كلمة واحدة وحـَاقولهالك
إنت بـبُعدك عنى فعلا قتلتنى
آه صحيح..
فكرتنى
نسيت أقولك..
إنك بجد وحشتنى!!