بالفيديو.. «شردي» لـ«غادة عبد الرازق»: «اللي أجبرك تتكلمي إنجليزي ظلمك»

علق الإعلامي محمد مصطفى شردي، على حديث الفنانة غادة عبد الرازق، خلال مهرجان القاهرة السينمائي الدولي باللغة الإنجليزية على الرغم من عدم إجادتها لها، الأمر الذي عرضها لانتقادات واسعة، قائلا: "هي غادة عبد الرازق اتكلمت إنجليزي ليه في المهرجان، إحنا ماعندناش مشكلة في إن الفنانة تكون ما بتعرفش إنجليزي هي فنانة كبيرة وبنحترمها، العيب إني أقرأ سطر ونص وأتلجلج فيهم".

وأضاف "شردي"، مقدم برنامج "90 دقيقة" على شاشة "المحور": "اللي أجبرك تعملي كده ظلمك، وكان المفروض أول حاجة تعمليها بعد كده تقولي معلش أنا آسفة أن مش بتكلم إنجليزي كويس".

وتابع: "أنا مكنتش ناوي أتكلم عن الموضوع دا، بس أنا استغربت من رد فعلها على الموضوع دا، مفيش حاجة تخليكي تعملي كدا، إنتي بتقولي إنك بتقري بعفوية، لا إنتي كنتي بتقري من ورقة، فين العفوية في كدا؟".