حافظ على حبيبك بـ «3» طرق

الله محبة، الأهل والعيلة واللمة، الزوج والأولاد والصحاب، وجود الناس دي في حياة كل واحد هو الحب، الحب أهم بكتير أوي من اللي بيتقال عنه، لكن أنا اتعلمت أنك علشان تقدر تحب الناس فعلا، لازم تحب نفسك الأول، مش معنى كدا تكون أناني، لكن حب نفسك، هتعرف تحب اللي حواليك، دي أول طريقة تحافظ بيها على حبيبك.

تعالي بقى للطريقة التانية، اوعى تفكر في الوحش أو حتى الحلو في الشخصية اللي بتحبها حضرتك، مش بس الصفات هي اللي بتحدد المعاملة، لكن بص للي هو بيدور عليه وخليه يبص على اللي أنت بتسعى ليه، صدقني ساعتها هترتاحوا سوا، لكن لو عرفت هو عاوز أيه هتعرف هو بيتصرف بناء على أيه، وساعتها هتدي له عذر وهتساعده، وهو هيرتاح وبالتالي أنت هترتاح كمان..

خد دي بقى علشان أبقى عملت اللي عليا، أصلي حلفت أعمل خير النهارده، خاف على حبيبك الغالي، ماتخافش منه، هو أكتر حد يستاهل أنك تحبه، علشان اللي بيحبه ربه بيحبب فيه خلقه، لو حبيت ربنا وأخلصت في معاملتك معاه صدقني هتعرف يعني أيه حب، وساعتها هتحس قد أيه أنك إنسان سعيد.