لون الدم
إزاى يا لون الدم بتبعتر قلوب
وتسرفل الدمعة الحزينة
جوه ضحكة ألف توب
لو كان وجود عَندنا
تكفير ذنوب
روح قولهم توبنا
دا مهما يطول الصبر
مين وسطنا أيوب؟
يا صوت الصراخ اللى اتولد بين ألف أم وأم
قاسى على قلوبنا وزارع غيطان الهم
إزاى يا لون الدم قادر تبتسم
وسط الورود الحُمر
يا فَرح يا خالى الدَسَم
قول خدنا إيه م العُمر
ابنى اللى كان حلمه يعيش مستور
بَص ف مرايتك يا وطن
لموه إزاز مكسور
شحنوا رصيد قلبى عليه أحزان
قالوا الشهيد ابنك
فأنا قلت مات إنسان
