كلام البنات في ثانية يروح لـ«حتة تانية»

بنت حواء "رحمه الله على أرضه" خلقها لتكمل نقص الرجل، بالرغم من أنها خلقت من ضلعه، فهي نصف الخلق وهي من يلد النصف الآخر، كلها كلمات سمعناها وعشنا بها وتربينا عليها منذ بدأ الخليقة، ولا أحد ينكرها..

بنت حواء، كارثة كل زمان وسبب تعب أي راجل وهي أيضا سبب سعادة أي رجل، لم يوجد رجل في هذا الكوكب لم يعشق أنثي، بدأ من أبونا آدم وحتى اللي بيكتبلكم المقال ده...

كثير من الأوقات عندما كنت أتحدث مع بعض من صديقاتي وأنا المعروف عنه الشطارة في الكلام وميغلبنيش حد، إلا بعض من صديقاتي لما النقاش يحتدم بيننا..

بنت حواء، مفيش منها اتنين في كل حاجة ربنا خلقها برادار فائق الحساسية في كل حواسها، أضعاف أضعاف من الرجل، لكن شايف ديما أن مصيبتهم في لسانهم، لسان الست أعجوبة يجب أن تدرس في كل الكليات، حقيقة علمية..

بنت حواء هي الوحيدة اللي في أقل من الثانية تقدر تطلع من موقف أو مشكلة أو أي شئ برد عادي جدا وطبيعي جدا لكن مبيفهموش الراجل غير بعد ما بيمشي من قدامها وتكون هي عدت الموقف على خير..

صحيح بيكون ده على قلب الراجل اللي بيحبها أحلي من العسل نفسه، لكن لما الموضوع بيزيد عن حده بيحس الراجل أنه بينضحك عليه علشان كدا بيتنرفز أكتر، علشان كدا بنصح كل بنات حوا، خليكي زي ما أنتي بس متأفوريش في ردودك على الراجل علشان ميكرهكيش..