حرية ولا «حمورية»

قلة أدب في الجامعات، وقالوا حرية، فجروا في سيناء، وقالو قصاص، قال الشرعية خط أحمر ومن يومها ماشوفناش غير دم، طب ليه..

طلاب الجامعات اللي متعلمين ومتنورين، اللي هما نور عينين مصر لما يعمل فيها كدا هتستني منه أيه لما يكبر ويبقى رمز في الدولة، تفتكر هيكون إنسان صالح بيحب الوطن وعاوز يفيده.. تفتكر هيساعد في نمو اقتصاد بلده، إذا كان طالب الأزهر بيحرق في جامعته، لما يشتغل في أي مكان هيعمل أيه.. لما طالب جامعة الأزهر يفتكر أن هو ده الدين يبقى اللي في الشارع هيفكر إزاي..

إحنا مش ضد فكر غير لما يكون هيسبب أذى لينا ولبلدنا، مصر قد الدنيا مفيش كلام، وحق عليها أنها تحافظ على كل ولادها، مش مختلفين، بس ياللي بتفكر وتقول ماينفعش يكون فيه إقصاء لفصيل من فصائل الدولة، لو ابنك كل يوم يسبب لك مشكلة ومصيبة هتقول ابني وللا هتحاول تلمه، بس لو يوم لقيته بيمد أيده عليك هتعمل أيه فيه..

يا إخوان يا مسلمين اللي أنتم فيه ده اسمه «حمورية» مش مطالبة بـ «حرية».