ننشر أول قصيدة لرثاء شهداء "كمين القواديس"
يا جندى بتدى وشك لليهود..
والرصاصة تيجى من قلب الوطن..
ساهر يحمى الحدود...
وضهرك وراه الخطر...
يا جندى حق مش هيضيع..
وبدمك بنروى ورد الربيع...
ومتخفش من الخاين اللى للوطن بيبيع...
هييجى اليوم وناخد تارك..
وهنولع في الخونة بنارك..
وآه طالعة من جوايا فيها صوتى منبوح...
وببكى على جيشى وقلبى مجروح...
وشايف أخويا قدامى مدبوح...
والشهامة من عقول الخونة شىء ممسوح...
يا وطن هنخلصك من عارك...
ومش هيطول انتظارك...
ما أنا حالف لييجى نهارك...
أنا اللى حميك يا وطن...
أنا واحد من أنصارك...
والخاين في الحقيقة ضعيف....
وبحقده مش هيقدر يحول ربيعك خريف...
أصله ضعيف....
وحالف يا وطن إنه هييجى اليوم اللى هتكون منهم نضيف..
قصيدة للشاعر إسلام جمال الدين محمد.
