قصيدة:أم الدنيا

صباح الخير على عيونك
صباح الخير يا ست الكل
صباح الضحكة والبسمة
يا ورداية فـ وسط الفل

صباح الطيبة واللمة
وطبق الفول على السمنة
ده احلي م فيكي طبطبطك
يا أحلي ملاك من الجنة

بتخديني لبعيد دايما
وتحكيلي ف اسرارك
وأروح وأجري ف حضن النيل
وبرجع أنام ف احضانك

يا أرض الحب والاخلاص
بحبك رغم تكشيرتك
وأدافع عن تراب بلدي
وأموت لو حد جاب سيرتك

منا ابنك

ولو أمي ف يوم تزعل
قوام بجري وأصالحها
م أنا عاشق تراب بلدي
وعمري ف يوم م حجرحها

بحبك رغم كل الصعب
وحبي كل يوم بيزيد
قالولي ليه بتعشقها
فقولتلهم دي أم شهيد

قسمت بحبي ووفائي
حشيلك جوة نني العين
ولو تظهر عيون حاقد
حنمحيها ليوم الدين

حعلّي فيكي يا بلدي
وحبني كل يوم امجاد
وراح أزرع بذور الخير
وحمحي بأيدي أي فساد