"توما" تطالب بإقالة 3 وزراء فورًا
طالبت الناشطة السياسية سالي توما بإقالة وزيرة التضامن والتعليم ووزير الداخلية.
كتبت "توما" على موقع التواصل الاجتماعي "الفيس بوك": "في أسبوع واحد لو دي دولة بحق وبتوهمونا وكده.. كان يُقال 3 وزراء فورًا: وزيرة التضامن ﻹهانتها الشديدة ﻷمين عام مجلس شئون الإعاقة وتهزيئه على الهوا إنها مش فاهمة طريقة كلامه... وزير التعليم اللي حرسه يضرب صحفية.. والكبير أوي بتاع كل نظام وزير الداخلية اللي قواته دخلت دشدشت قرية مسيحية في المنيا وعذبت... وأرهبت الأطفال والنساء وقالتلهم يا كفرة ومايستاهلوش حماية لكن يتسرقوا ويتبهدلوا ويتحاكموا كمان عشان فيه باشا زعل من حدف طوب... ده طبعا لو احنا في دولة...بس معلش...الكهربا الحمدلله بتقطع 3 مرات بس مش 8 زي أغسطس".
