المغير: "الإخوان" تسعى للمصالحة مع النظام
أكد أحمد المغير، الناشط الإخواني، أن الإخوان يريدون المصالحة مع النظام في مصر، لكنهم يحاولون أن يزرعوا في أذهان الناس أن النظام هُزم ويريد المصالحة مع الإخوان.
وكتب المغير تدوينة على صفحته الرسمية على "فيس بوك: "عارف مثل يتمنعن وهن الراغبات؟ أهو ده اللي رصد (وهي أحد الأذرع الإعلامية لقيادات الخيانة) بتحاول تزرعه في دماغك، بتقلك: لا لا لا مش الإخوان اللي عاوزين يتصالحوا ده النظام اللي بيتحايل عليهم، عشان تبقى شايف انت أن التصالح هزيمة نفسية للنظام ومع تعلية سقف المكاسب حبتين ومع الوقت تقبل انت الصلح اللي دوخ الانقلابيين الوحشين دول وتقول لنفسك ده هما اللي اتحايلوا علينا وباسوا إيدنا!".
وأضاف المغير: "طيب معلش بأمارة إيه الانقلاب يبقى عاوز يتصالح؟، إيه ميزان القوة على الأرض اللي يجبره على كدة؟، المهم إن رصد عشان تحبك الخبر.. كتبت حتة كدة على السريع أن السعودية بتحاول تبقى وسيط في التصالح ده وعاوزة ترجع المياه إلى مجاريها، بس هم ذكروا الخبر الغريب ده من غير ما يقولوا ليه السعودية اللي صرفت مليارات على قتلنا في مصر عاوزة تفضها سيرة وتصلح ما بين المتخاصمين؟!!".
