«طريقي عارفه بالخطوة» قصيدة لسامح لطف الله

بنتسرسب من اللمة
بتخطفنا دروب يا ما
وبالقوة وبالسطوة
بنتشتت ونتبعتر
ونتفرق
ونتغرَب ونتشرق
ولمَّا تتوه خطاوينا
ويخفت صوت غناوينا
وقولة آه تجمعنا
وجرح القلب يدمينا
وليه عايزينا نتشتت؟
وليه عايزينا نتفتت؟
ولقمة عيشنا تشغلنا
تموت الثورة جوَّانا
وننسى كمان أسامينا
يا نور الشمس إفردلي
يا دمع العين ما تسقينا
ومهما ضلامكو هيغطي
معايا الشمعة تهدينا
وهصرخ في وشوش كالحة
ماهيش فالحة
قسادها مش هيمنعني
طريقي عارفه بالخطوة.