الباعة الجائلون بميدان الجيزة يعلنون رفضهم الانتقال لمركز الترجمان

تناقلت الشائعات حول نقل الباعة الجائلين الموجودين بميدان الجيزة إلى مركز الترجمان، أو أماكن أخرى، حيث تجولت عدسة "فيتو" فى ميدان الجيزة، لاستطلاع رأي الباعة فى هذا الشأن.

أعلن أغلب الباعة رفضهم ترك الميدان، والانتقال الى مركز الترجمان، مؤكدين أن ميدان الجيزة تسهل فيه عملية البيع، على عكس أماكن أخرى كمركز الترجمان.

فقال أحمد: "بقالي 47 سنة ببيع فى الميدان، يشفولنا مطرح نأكل فيه عيش مش يودونا خرابة؛ لأن الترجمان على التليفزيون لا فيها بيع ولا شرا".

ويقول أدم :"محافظ الجيزة هو ورئيس الحي، عملوا أكشاك للروس الكبيرة اللي هما رؤساء المجموعات في مكان يشيل 100 بائع، ليه معملهوش زي الترجمان" ؟!".

ويقول عادل: "يا ريت ينقلونا مكان تاني، أحسن ما البلدية قارفنا ونقف بكرامتنا أحسن، عايزين نأكل عيش".

وتضيف نادية بائعة الذرة : "هيودونا فين أنا واحدة عندي 65 سنة، مش ناقصه بهدلة وأروح مكان مبعش فيه".

ويقول محمد: "وسط البلد مش زي ميدان الجيزة، أعتقد أنهم مش هينفذوا القرار، أنا عن نفسي لو نقلوني مش هروح، وهفضل في مكاني، وهيبقي نظام أفرش وأجري زي أيام مبارك، والبلدية لو جبتلى شغلانة أنا أسيبله الفرشة نفسها مش عايزها".