بعدما اغتصبت حماس «غزة»
لما يكون فيه قدامك طفل صغير بيتألم تقدر تستحمل؟ طيب لو الطفل ده ابنك أو أخوك أو حتى حفيدك هتعمل إيه؟ طيب بص معايا على شباب زى الورد بيروح كل يوم من غير ذنب بيموت عشان بلده أرضه وعرضه زى ما قال الرسول الكريم يبقى إيه ذنبه؟
أظن فهمت قصدى طيب افتح التليفزيون شوف فيه كام شهيد وكام جريح.. آسفة.. أنا وطنى كله جريح؛ فى غزة أكتر من 1900 شهيد وحوالى 10000 جريح كل ده ليه ذنبهم إيه هتقولى حماس؟ هقولك هما فين سيدى الفاضل علاقة حماس بغزة هى نفس علاقة الإخوان الإرهابيين بمصر لا يمثلون أبدا هذا الشعب الطيب بل يمثلون أنفسهم فقط..
اغتصبت حماس السلطة فى غزة رغما عن إرادة شعبها وقتلت وذبحت وعذبت حتى تصل إلى مرادها إيه مش مصدق؟ طيب ارجع بالزمن شوية فاكر أيام الثورة لما كانت بتخرج مسيرات فى القطاع طيب فاكر كمان بعد الثورة لما خرجوا يحتفلوا فى غزة طب أقولك إيه كمان تعالى تانى بتفكيرك لهنا أخدت بالك من صور قادة حماس وهما فى أفخر الفنادق طيب شوفت الصور اللى منتشرة على كل صفحات الإنترنت ليهم وهما فى تركيا؟!
طيب بلاش سمعت الأخبار اللى بتقول إنهم قاعدين فى تركيا لحين إعلان هدنة؟! .. يبقى إيه علاقتهم بالشعب ناس بتموت وناس فى قصور إزاى ممكن يكون ليهم صلة ببعض أساسا أطفال غزة ونسائها رجالها وشبابها يستغيثون بنخوتكم أن تنقذوهم من مخالب الاحتلال الصهيو حماسى فرجاء أنقذوا شعبا ما زال يقاوم وهو جريح فغزة ما زالت تصرخ واسمع منى يا سيدى.
