نشطاء «فيس بوك» و«تويتر» عن أزمة الكهرباء:«الجمال»: دفعت مقدم لكهف في أكتوبر..«شنودة»: نروح الجامعة بالناقة بدل السيارة..«دينا»: نودي نص المصريين يحفر
أثارت أزمة انقطاع الكهرباء سخرية المواطنين خصوصا نشطاء موقع التواصل الإلكترونى "فيس بوك"، حيث قام أحد النشطاء بالسخرية من الأزمة معلقا "من دلوقتى أنا بقولكم أهو بكرة نفتكر الأيام الى الكهربا كانت بتقطع فيها ونقعد نضحك وبعدين نطفى الحطب ونتغطى بالفرو وننام".
وهو ما أثار روح الدعابة لدى المصريين وكانت ردود أفعالهم على المنشور معلقين على الأزمة:
وقال طارق حسن:" فرو إيه إنت قديم اسمها جلد وورق شجر فين أيام العز لما كان الفقير مننا بياكل من صفيحة الزبالة ويشرب من مية النيل ويلبس أجدعها خيش".
بينما سخر صفوت شنودة :" شعب جاهل وسطحى، ما بدل مانتم بتتريقوا ماتفكروا إنكم تبدأوا تحوشوا الخشب، وممكن بردوا نفتكر البنزين ونضحك أكتر، ونقوم ناخد الناقة ونسرح تخيلوا الناس وهي بتركن الناقات في الجامعة .
وعلق أحمد الجمال :" دفعت مقدم لكهف فى مدينة السادس من أكتوبر لأستعيد من الآن أيام الشقاء والتعب والعودة إلى الجاهلية".
وتابعت دينا سيد: "إحنا نودي نص المصريين يحفروا القناة الجديدة فيموتوا من الحر ويبقى النص التانى غنى ويورثهم وساعتها لا أزمة مية هتنفع ولا كهربا بتقطع هتفرق هنبقى قليليين".
