«إنتي جنـــّة ربنــــــا» قصيدة لـ«محمد كشيك»

إطلعي
في الجنـــاين فــرّعي
شــعشـــعي
ياللا بالنور – إزرعي
إنتي أجمــل
، ســــوســـــنه
يفتح التاريخ، بيبـــانه
إدخـــلي
إوعي يوم تتخـــلخلي
قلبي ماهوش
، أبدا،خــــلي
إصـــهلي
اركضي فوق القنــا
أخرجي، لأجل الصبــــاح
بالغصون ع الأفدنــه
ماتخافيش من طنطنـــه
دا اللي بيحاولوا،في ضهرك
يطعنــــوكي
دولا،أولاد الزنـــــــا،
ماتخافيش
من خفافيش الظلام،
إبدئيني بالســــــــلام
إنتي محبــوبتي، أنـــــــا ‘
إنتي وردايتي،
ياأجمل ســــــوســـنه
إنتي أحلي – إنتي أجمل
إنتي زهره،
عمرها،
ماف يوم، هاتدبل
تزرعي الفدادين، غنـــا
أما أنا
العبد الفقيـــــر،
، باحملك جوايا
، جوايا، أنــــا
بالإيقاع والدندنــــه
إنتي في حياتي
، المصيـــر،
إنتي جنـــّة ربنـــــا.