ساخرون.. أبو إسماعيل: أنا عاتب على الداخلية علشان التغييرات الأخيرة
علمت وكالة «هريدي نيوز» أن المدعو حازم صلاح أبو إسماعيل ثار ثورة عارمة داخل محبسه بسجن طرة فور علمه بأن الداخلية على وشك إصدار حركة تغييرات بين القيادات، وهو ما أثار علامات استفهام بين مسئولي السجن فبادر أحدهم وسأله: مالك يا شيخ أنت زعلان ليه؟ فابتسم الشيخ حازم وقال له: أولا أنا مبسوط إنك سألتني السؤال دا، أما أنا زعلان ليه فدا لإن الداخلية تجاهلتني في حركة التغييرات اللي بتقول إنها هتعلن عنها.
صرح بذلك مصدر فشار غاوي تنكيت وهزار وقال إن أبو إسماعيل أخبر مسئولي السجن أنه أول من نادي بحركة تطهير للداخلية وأنه كان مجهز كشف بأسماء القيادات اللي لازم تمشي من زمان، فاغتاظ مسئول السجن وقال له الداخلية مش محتاجة رأيك يا شيخ وخليك في حالك، فاندفع أبو إسماعيل قائلا: متنساش إني كنت مرشح سابق وأنت بتتكلم معاي، فثارت ثائرة مسئول السجن وقال له: بس أنت دلوقتي مسجون بالتزوير، وهنا رد أبو إسماعيل: أهو اللي فضحني دا واكتشف تزويري لجنسية أمي هو أول اسم كنت حاطه في الكشف.
