بالفيديو.. أسرة شهيد كفر الشيخ: «الأسود بقى لبس العيد بعد موته»
التقت «فيتو» باسرة المجند هانى نشأت عطية، بمدينة بلطيم بكفر الشيخ، الذى استشهد 24 يناير الماضى، فى حادث إرهابى بمحطة «البحوث».
وقالت السيدة مديحة والدة الشهيد: «النهاردة أصعب عيد مر عليا، أفوض أمرى لله فى الإرهابيين وكلنا فدا لمصر مهما عملوا لأننا ملناش غيرها».
وأكدت والدة الشهيد أن الإرهابيين الذين قتلوا نجلها أفسدوا فرحتها وفرحة أسرته بكل عيد يمر عليهم.
وأضافت والدة شهيد كفر الشيخ: «ابنى كان زى البدر المنور ودفن وهو شهيد بكامل جثمانه».
وأضافت «ولاء» شقيقة الشهيد: «حسبي الله ونعم الوكيل فيمن قتله وشجع على قتله، ربنا ينتقم منهم ويحاسبهم على دمه».
وتابعت: «النهاردة يوم عيد واحنا لابسين أسود والحزن مالينا، عمره ما هيغيب أبدا عن عنينا هو راح لكن روحه معانا فى كل حتة، ضحكته اللى كانت بتهز البيت، هزاره اللى كان بيطلعنا من همومنا، لما كان بيجى إجازة مكنش بيقعد على القهاوى زى الشباب كان بيساعد والده وإخواته فى شغل الأرض، كان بيشوف طلباتنا منهم لله حرقوا قلوبنا عليه».
