رئيس التحرير
عصام كامل

مركبة وبيت صغير

فيتو

كان ليا حلم بمركبة وبيت صغير
بين الشجر وأسيب كل الدنيا
واكون معاك لكن شوف القدر!
كنت مستعدة أخدك لو حتى هتقول للقمر!
ولما الليل ييجى أنام وأقول من غيره ما يبقى سهر

وأنام وصورتك بين أيديا أخاف يغرقها المطر!
وكان نفسى أجيبلك الدنيا لكن
حقيقى أنا بعتذر!!
كنت بحلم بمركبة لونها أبيض زى قلبك
كنت أضحك مستغربة إزاى عايشة وأنا مش جمبك
وكل ما أحس إنى هموت في لحظة بيرجعنى حبك!
طيب أعمل إيه إذا كنت حبيتك اكتر؟
طيب أنا لو قدرت إزاى على بعدى تقدر؟!
«كان بالنسبالى الحياة» لكن حتى الحياه استكتر!
كنت ابتسم لما يقولى إنه..
في غيرى ما بيفكر هيا الدنيا دى ليه بالشكل دا بتغدر؟!
كان ليا حلم كمان تعرف «إنك بس تكون سعيد»
وكل جرح تجرحهولى أنساه وابدأ من جديد
وكل ما أسمع ضحكتك قلبى يشتاق لك اكتر ويقولى لو معاك ياريت!
وكنت بحسب كل يوم علشان بس لحظة أشوفك رغم إنى يا حبيبى
عمرى ما فرحت في عيد كنت بحلم كنت بحلم كنت بس بحلم بيك
Advertisements
الجريدة الرسمية