"عيد إحساس" شعر لـ"محمد حلمى مصطفى"

عيد إحساس !

زهرة وفايحة بريحة عطر..

جاية تهنى بعيد الفطر

جاية تقول لجميع الناس..

عيد المسلم عيد إحساس

فرحة ولكن ليها أساس..

يجمع كل قلوبنا الشاردة

كله تسامح.. كله مودة

ترجع تانى الأمة الواحدة..

أمة قوية.. مش تبعية !

أمة وقايمة على الحرية..

من غير فوضى أو همجية !

فيها المسلم فعلا مسلم..

مش متعصب ولا مستسلم !

حابب غيره.. زايد خيره..

راضى بعيشته ومش مضطر !!

والله بعودة يا عيد الفطر