عادل إمام يشكر "حماد" على موسيقى"صاحب السعادة"

أجرى الزعيم عادل إمام مكاملة تليفونية مع الموسيقار خالد حماد ليشكره على إبداعه في عمل الموسيقى التصويرية لمسلسله الجديد "صاحب السعادة".

حيث كتب خالد حماد على صفحته الشخصية بموقع التواصل الاجتماعى "فيس بوك":
-ألو
- مساء الخير.. أنا مكلمك في وقت مش مناسب؟؟
- لا أبدًا..
- عاوز أقولك إن إنت عامل مزيكا جميلة ومبهجة وحساسة وزي القمر.. وكإنك حاسس بكل حاجة والمزيكا شبه الموضوع وبتمثل مع الممثلين والديكور والتصوير وكل حاجة.. ربنا يحميك ودايمًا كدة عامل حاجة حلوة وبتلمس إحساس الناس..
- ربنا يخليك يا رب وأشكرك على المكالمة الجميلة دي..
- يلا أسيبك.. مبروك النجاح وتصبح على خير
- مع السلامة وألف مبروك لينا كلنا
* * * * * *
لغاية هنا كويس.. مكالمة موبايل...
لكن لما تبقى من الفــنـــان عـــــادل إمــــــام !!
بيكون ليها طعم تاني خاااالص.. مش هاعرف أنام من سعادتي بيها
زي مكالمة السنة اللي فاتت كدة... تخليك مبسوط ومبتسم لفترة طويلة.