ودن من إخوان.. وودن من سلفيين!

باختصار شديد عشان مش فاضى..الوضع الحالى الآن فى مصر يؤكد أن الإخوان والسلفيين همّا الأقوى ولو ع الورق ... أما النت والاتحادية كان على عينيه يا حبى ... خصوصاً بعد ما شفت معظم الشعب ودن من طين وودن عجين ... وطبعاً انتوا عارفين المثل الشعبى اللى بيقول " ودن من طين وودن من عجين"، ولكن العبد لله الفقير اللى قدامكم دهو قرر يغيره حسب المادة 99 من الدستور الخاص بى اللى شعاره" يا زنقنى وجنبك فاضى " !
قررت أخليه "ودن من إخوان مسلمين وودن من سلفيين" واللى زعلان " يعوص " وشه طين "، وما تزعلوش من كلامى أصل أنا م الفلاحين !
وعلى فكرة أنا مش ضد الطين ... ومش ضد كمان العجين ... أنا بس ضد "الزفت" اللى فى طين ... وضد " الشعرة " اللى فى العجين !
سلام سلام ... بلاش وجع دماغ
أشوف وشُكُم على خير ... ومناخيركم بتطير
قولوا آميييييييييييييين