بالفيديو.. "تمرد" لـ"النور": "ملكوش في السياسة وكل مرة تنزلوا علينا بالبارشوت"
هاجم محمد نبوي، المتحدث باسم حركة تمرد، حزب النور السلفي، بعد التصريحات التي أدلى بها الدكتور يونس مخيون، رئيس حزب النور أمس، والتي هاجم فيها حركة تمرد بشدة، قائلا: "إحنا موقفناش المنتقبات كلهم صف واحد والملتحين كلهم صف واحد عشان نأخد لهم صورة ونثبت أنهم شاركوا بالانتخابات".
وتابع: "حزب النور عنده سقطة تاريخية في استفتاء الدستور الماضي، وعشان كدا جهز نفسه للانتخابات الرئاسية، عشان يلمع نفسه سياسيا، ودا من حقه بس ميهاجمش الناس اللي بتشتغل فعلا".
ووجه نبوي، رسالة شديدة اللهجة للدكتور يونس مخيون، رئيس حزب النور، قال فيها: "إنتوا حزب ملكوش في السياسة ولا عمركوا شاركتوا في ثورات، وكل مرة تنزلوا علينا بالبارشوت وتقعدوا معانا على الطرابيزة، وبنقول أهم موجودين وبيشاركوا معانا في الحياة السياسية".
